Власта и опизицијата поднесоа 263 амандмани за буџетот, над 200 се на ВМРО-ДПМНЕ. Пари за реализација на овие амандмани има, би можеле да се релоцираат од ставката приходи по основ даноци заради инфлацијата, смета актуелниот претседател на собраниската комисија за финансирање и буџет, Бојан Стојаноски, кој е од редовите на ВМРО-ДПМНЕ.

10-дневниот рок за расправа во матичната собраниска комисија за финансирање буџет стартува од среда (23.11.2022). Стојаноски смета дека има реални шанси новиот буџет Парламентот да го донесе до 20 декември.

Донесувањето на Законот за буџет со консензус минатата година беше светол пример за тоа како со успех можат да се донесат фискални правила што државата ќе ги почитува, но со сегашниот буџет излегува дека е надминат буџетскиот дефицит од 3 % со плус 1,6 %.

Тоа според првиот човек на парламентарната комисија за буџет е сигнал дека државата носи закони што самата не си ги почитува.