ВИДЕО: Интер во трка за Скудетото, Лаутаро Мартинез за три важни бодови во Фиренца
Фудбалерите на Интер ја забележаа и 17 победа сезонава во Серија А, откако на гости со 1:0 славеа против Фиорентина.
Единствениот гол беше реализиран во 14 минута преку Лаутаро Мартинез по асистенцијата на Кристјан Аслани.
Домаќините можеа да го избегнат поразот на стадионот „Артемио Франки“, но во 76 минута непрецизен од белата точка беше Николас Гонзалез.
На табелата миланските „нераѕури“ се на првата позиција со 54 бодови, со еден натпревар помалку од второпласираниот Јувентус. „Виолетовите“ се петтопласирани со 34 бодови.
Во следното коло Интер на 4 февруари во дербито ќе го пречека Јувентус, додека Фиорентина два дена порано ќе гостува кај Лече.
Во неделата се одиграа уште четири натпревари: Џенова – Лече 2:1, Монца – Сасуоло 1:0, Верона – Фросиноне 1:1, Лацио – Наполи 0:0.