ВИДЕО | Инцидент пред Мет гала: Момчето на Ријана се потпре на глава на обожавателка за да прескокне ограда
Момчето на пејачката Ријана, раперот Ејсап Роки стана мета на критики откако на социјалните медиуми се појави видео снимено пред хотелот Карлајл, каде пејачката и многу други ѕвезди се подготвуваа за годинашната Мет гала.
Пред хотелот се собрала толпа обожаватели, а наместо да тргне по оградената патека, раперот изнервиран од гужбата решил да ја прескокне оградата. Ни повеќе, ни помалку – потпирајќи се на главата на една девојка од толпата.
Видеото стана вирално на социјалните медиуми, а обожавателката раскажа за „Индепендент“ што се случило.
„Отидов пред хотелот рано наутро, само за да видам одблизу како се облечени ѕвездите. Почувствував дека некој ме тапка по рамото, па се свртев и видов дека тоа е Ејсап Роки. Тој ми рече ‘душо, јас морам да поминам’, а јас му одговорив ‘не’ бидејќи барикадата беше точно пред мене, јас немав каде да одам“, изјави Медлин Ланес, девојката на која се потпре раперот.
Раперот бил настојчив во својата намера, па ја прескокнал оградата, потпирајќи се за неа и на човекот кој бил покрај неа.
„Откако ја прескокна оградата, рече ‘благодарам’, па потоа само се насмеа и ми покажа среден прст“, вели таа.
asap rocky just jumped thru the crowd dhdjeisi #MetGala pic.twitter.com/aZLn95H7gQ
— JA (@sleezyjamie) May 1, 2023