Фудбалерите на Манчестер Јунајтед славеа со 1:2 против Лутон во рамките од 25. коло во англиската Премиер лига.

Победникот на оваа средба беше решен во почетните минути. Расмус Хојлунд кој во последниот период игра во одлична форма уште во 36-тата секунда ја затресе мрежата на домаќините, а во седмата минута го постигна и вториот гол на натпреварот.

Со овие два гола Хојлунд стана најмладиот фудбалер кој бил стрелец на шест натпревари во низа во Премиер лигата, исто така стана и најмладиот стрелец на најбрзиот гол на гостувањата во клупската историја на Манчестер Јунајтед.

Данецот добиваше многу критики, но со почетокот на 2024 година експлодираше и игра во фантастична форма. Лутон резултатски во натпреварот се врати во 14-тата минута со голот на Карлтон Морис. Имаше шанси во продолжение и на двете страни видовме 42 удари комбинирано на двете страни, меѓутоа резултатот не се промени.

На табелата Манчестер Јунајтед сега има 44 бода, Тотенхем 47 и Астон Вила на 4-тата 49, па така „црвените ѓаволи“ дефинитивно се вратија во битката за место во топ четири на крајот од сезоната.