ВИДЕО+ФОТО I Хаос во Брисел: Насилни протести по смртта на млад човек со африканско потекло
Демонстранти запалија влез на полициска станица и полициско возило во Брисел за време на протестот поради смртта на тинејџер од африканско потекло, кој почина откако беше приведен од полицијата.
Насилните протести почнаа откако 23 годишниот Ибрахим Бари беше уапсен бидејќи снимал припадници на полицијата додека вршеле контрола за почитување на мерките преземени во борбата против коронавирусот.
In Brussels, Belgium, demonstrations began after the murder of a 23-year-old while in custody.
People set fire to the police station.#Bruxelles pic.twitter.com/LIORtblLbS
— Socialist Student Movement – International (@SocialistMov) January 13, 2021
Бари, кој беше уапсен и однесен во полициската станица, изгубил свест еден час подоцна и почина во болницата каде бил префрлен.
На сликите и видеата објавени на социјалните мрежи, покрај демонстрантите кои ја палат полициската станица се гледаат и вооружени полицајци кои најверојатно со гумени куршуми пукаат кон демонстрантите.
The public is asking for the account from the killers!
REVOLT!#Bruxelles #Brussels pic.twitter.com/Oeo6b6Uc2g— Socialist Student Movement – International (@SocialistMov) January 13, 2021
Како што пренесуваат белгиските медиуми на улиците се собрале околу 400 луѓе. Полицијата употреби и водени топови за да ги растера гневните демонстранти.
Протестот што започна како мирен беше организиран од активистичката група АЈГБ со повици да се дознае вистината за смртта на Ибрахим.
За време на протестот се слушаа паролите „Животот на црнците е важен“, „Правда за Ибрахим“, „Полициски убијци“, по демонстрантите потоа почнаа да фрлаат камења кон полициската станица, на што припадниците на безбедносните сили одговорија со употреба на водени топови.
За време на немирите демонстрантите ги искршија и прозорците на бројните полициски автомобили беа скршени. Тие исто така оштетија банкомати и продавници на околните улици.
Околностите за смртта на Ибрахим сè уште се нејасни.
Стефани Лагасе, портпарол на обвинителството, за ВРТ.бе изјави: „Врз основа на читањето на фактите, сега бараме истражен судија да ја преземе истрагата. Истражен судија може да изврши подетална истрага отколку јавното обвинителство.“