фото: EPA-EFE/JOHN G. MABANGLO

ВИДЕО: Ентони Дејвис ги водеше Лејкерси до „брејк“ против шампионот

Кошаркарите на Лос Анџелес лејкерс поведоа против Голден Стејт вориорс во полуфиналето од НБА плеј-офот на Западната конференција, откако славеа со 117:112.

Лејкерси беа предводени од Ентони Дејвис со 30 поени, 24 скока, пет асистенции и четири блокади. Леброн Џејмс реализираше 22 поени, 11 скока, четири асистенции и три блокади, додека по 19 коша имаа Данџело Расел и Денис Шрудер.

Во екипата на актуелниот шампион најефикасен беше Стеф Кари со 27 поени и шест скока, потоа Клеј Томпсон постигна 25 поени, додека Џордан Пул имаше 21 поен и шест асистенции.

Вториот меч ќе се игра во ноќта меѓу четврток и петок и повторно Голден стејт ќе биде домаќин.

Њујорк израмни на 1:1 во полуфиналниот плеј-оф на Истокот против Мајами (111:105). Во „Медисон Сквер Гарден“ за Никси први стрелци беа Џејлен Брансон (30 поени, пет скока), Џулиус Рендл (25 поени, 12 скока, осум асистенции), додека Р.Џ Берет имаше 24 поени.

На спротивната страна за Хитси доминираше Кејлеб Мартин со 22 поени (осум скокови), следен од Гејб Винсент кој запиша 21 поен и пет асистенции.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот