Репрезентативецот на Македонија, Елиф Елмас иако џокер игра одлична сезона за Наполи и е трет стрелец во екипата зад Виктор Осимен и Квича Кварцхелија.

Елмас е миленик на навивачите, па така денес навивачите на Наполи го опколија пред тренинг-центарот, а на македонскиот „дијамант“ не му беше тешко да дели автограми.

Во Неапол во овој период владее вистинска еуфорија затоа што Наполи веќе во недела би можел и официјално да стане шампион на Италија. За тимот на Спалети математички да го обезбеди Скудетото потребно е да слават против Салренитана, а Лацио да одигра барем реми со Интер.

Изминатиот викенд Елмас беше еден од најзаслужните за победата против Јувентус со својата асистенција во завршницата.