Во неделата во Берлин дојде до судир меѓу демонстрантите и полицијата на протестите кои не беа одобрени, туку напротив и забранети од страна на еден берлински суд.

Полицијата уапси повеќе стотици граѓани и дојде до физичка пресметка. Една видео снимка покажува прилично агресивна постапка од страна на еден полициски службеник што пак на социјалните мрежи предизвика лавина коментари.

На снимката се гледа постара госпоѓа како се обидува да помине покрај еден полицаец, кој во следниот момент ја фаќа жената за врат и ја фрла на асфалтот.

На социјалните мрежи ваквото агресивно однесување на полицецот беше коментирано остро, а на својот Твитер чинот го искоментира и Нилс Мелцер, официјален службеник од Обединетите нации.

This has just been brought to my attention.

Can anyone provide my office with the specifics / witness statements of this incident and whether an official investigation has been launched?

Send to: [email protected]
(please not via Twitter-reply/DM)

Thank you! https://t.co/ly00UlPDMw

— Nils Melzer (@NilsMelzer) August 1, 2021

Дали некој може да сведочи за овој случај и дали е покрената официјална истрага за ова, напиша Мелцер во својата објава.

На протестите во главниот град на Германија имало околу 2.200 полицајци кои се обидувале да ги запрат демонстрантите.

– Сакав да има повеќе полиција на улиците во неделата, но тоа е невозможно со оглед на тоа што тие во моментов помагаат во кризните подрачја погодени од поплавите, рече портпаролот на берлинската полиција.