Во НБА лигата кошаркарите на Далас загубија со 101:119 против Минесота која е моментно водечка во Западната конференција.

Во редовите на Маверикси не беше доволна ни одличната партија на Лука Дончиќ кој за 39 минути постигна 39 поени и воедно запиша шест скокови и 13 асистенции.

Словенецот се израмни со рекордот на Германецот Дирк Новицки кој беше лидер во историјата на Далас по бројот на натпревари со 35 и повеќе поени. Тоа им успеа на двајцата 78 пати, а само прашање на време е кога Дончиќ ќе биде осамен на врвот на оваа листа.

Непосредно стартот на мечот меѓу Далас и Минесота, фановите беа импресионирани од уште еден неверојатен потег на словенечкиот кошаркар.

Во загревањето Дончиќ ја спушти топката, зад грб со десната нога наместо цепелин за неговиот тимски колега Двајт Пауел кој заврши со забивање.

Whether it's hands or feet, Luka Doncic will make it work 👀pic.twitter.com/yS3q7KBxaG

— BasketNews (@BasketNews_com) December 15, 2023