ВИДЕО | Целиот свет „полуде“ по овој рецепт: Компир пита од тава што Италијанците ја обожаваат
Италијанците го обожаваат овој рецепт за компир пита од тава, бидејќи се подготвува неверојатно едноставно, а вкусот е неискажлив – едноставно мора да ја пробате.
Овој специјалитет уште го нарекуваат и „здробен компир“, а секој што го пробал досега, се одушевил. Сигурни сме дека овој деликатес ќе стане ваша омилен појадок или вечера.
Состојки:
– 500 г компири
– 150 г брашно
– 1 јајце
– сол, бибер
– маслиново масло
– 100 г шунка
– 100 г кашкавал
Подготовка:
Компирите сварете ги со лушпата, па излупете ги и издробете ги. Во садот со компирите, додајте сол, бибер, јајце и брашно и замесете мазно тесто.
Во тава ставете маслиново масло, па половина од тестото развлечете на дното на тавата. Потоа, одозгора наредете шунка, кашкавал, па повторно шунка и на врвот развлечете го остатокот од тестото.
Печете околу 5 минути од едната страна и уште 5 минути од другата, на тивок оган.
Задолжително сервирајте ја компир питата додека е топла, бидејќи тогаш вкусот ѝ е најдобар.