Фудбалерите на Барселона го победија Атлетик Билбао на гости со 1:0, во 25 коло од најквалитетната шпанска лига. Победата на Каталонците ја донесе Рафиња во судиското надополнување на првото полувреме, на асистенција на Серхио Бускетс.

На крајот од натпреварот Билбао го израмни резултатот на 1:1 преку Ињаки Вилијамс, но по долгата проверка на ВАР, судијата го поништи голот поради играње со рака.

Барса е на лидерската позиција во шампионатот со 65 бодови, пред Реал Мадрид кој има 56, додека Атлетик Билбао е деветти со 33.

Во следното коло Барселона на домашен терен ќе игра против Реал Мадрид на 19 март на „Камп Ноу“, во дуел кој може да го одреди понатамошниот тек на првенството, додека Билбао следната недела ќе гостува кај Ваљадолид.

Во неделата се одиграа уште три мечеви во „Ла Лига“: Мајорка – Реал Сосиедад 1:1, Севиља – Алмерија 2:1, Виљареал – Бетис 1:1.