Денеска во рамките од 26 коло во најквалитетната шпанска лига составот на Леванте славеше на домашен терен против Елче со убедливи 3:0.

Во првото полувреме стрелец на водечкиот погодок беше Моралес во 37 минута, асистентот на тој погодок де Фрутос во 67 минута ја зголеми предноста, а конечниот епилог во 90 минута го постав Мелеро.

Македонскиот репрезентативец Енис Барди настапи од 76 минута како замена за де Фрутос. При резултат 2:0 кај гостите црвен картон доби Гумбау.

Леванте и натаму останува последен со 18 бодови, но тоа што ги радува навивачите во Валенсија е што веќе трет меч по ред нивната екипа не знае за пораз, има учинок од две победи и едно реми.

Заостануваат само шест бодови од Гранада (еден меч помалку) која е во безбедната зона, а Елче е на 13 место со 29.

Леванте и Барди во следното коло на 7 март ќе му гостуваат на Атлетик Билбао.