ВИДЕО | Aлкараз со сигурна победа го стартуваше Вимблдон
Шпанскиот тенисер Карлос Алкараз како и Новак Ѓоковиќ вчера, сигурно го стартуваше Вимблдон и со 3:0 во сетови го декласираше Жереми Шарди (6:0, 6:2 и 7:5).
Алкараз доминираше во првиот сет кој го освои со убедливи 6:0, а со таквата игра продолжи и во вториот сет кога на противничкиот тенисер му дозволи да освои само два гема.
Најголем отпор францускиот тенисер даде во третиот кога успеа да направи и брејк со кој поведе со 4:2, но Шпанецот не дозволи Шарди да се понадева на некакво изненадување и со 7:5 го освои сетот за победа.
Во следното коло, актуелниот рекет број еден ќе игра против подобриот од дуелот помеѓу Александар Милер и Артур Риндеркнеш.
Sometimes all you can do is applaud… 👏@carlosalcaraz could do no wrong in his first round match 🔥#Wimbledon pic.twitter.com/tAJEfLAU1j
— Wimbledon (@Wimbledon) July 4, 2023