ВИДЕО: Алиоски и Фенербахче до важен бод во Рен, Тричковски и АЕК Ларнака го совладаа Динамо Киев
Се комплетираше и второто коло во групната фаза на Лига Европа, во групата „Б“ Фенербахче ремизираше 2:2 на гостувањето кај Рен.
Препорачано
Кахвечи во првото полувреме постигна гол за гостите, но истиот поради офсајд во 25 минута беше поништен. На стартот од вториот дел за период од две минути Французите постигнаа два гола, едниот беше дело на Терие, а вториот на Мајер.
Македонскиот репрезентативец Езџан Алиоски настапи за турскиот клуб од 57 минута, а само 180 секунди подоцна прекрасен гол постигна Кахвечи за враќање на надежите на Фенер кој успеа на крајот и да го избегне поразот. Во самиот финиш (90+2`) пенал беше досуден за Фенербахче кој го реализираше Валенсија.
Во истата група АЕК Ларнака стигна до голема победа на гостувањето кај Динамо Киев со погодокот на Ѓурчо во осмата минута од средбата одиграна во Краков, Полска. За кипарскиот тим стартер беше Иван Тричковски кој настапи до 64 минута. На табелата по две кола водат Фенербахче и Рен со по четири бодови, три има АЕК Ларнака, а последен е Динамо Киев без бодови.
Во групата „Д“ по вторпат е поразен Малме овојпат кај белгискиот Ројал Унион со 3:2. Во составот на Швеѓаните поради повреда не беше нашиот репрезентативец Ердал Ракип.
ВИДЕО: Барди и Трабзонспор триумфираа над Црвена звезда, прв гол на Роналдо во Лига Европа
Лига Европа (2022/2023)
2. коло, резултати:
Рома – ХЈК 3:0
Бетис – Лудогорец 3:2
Бодо/Глимт – Цирих 2:1
Брага – Унион Берлин 1:0
Динамо Киев – АЕК Ларнака 0:1
Рен – Фенербахче 2:2
Ројал Унион – Малме 3:2
Лига на конференции (2022/2023)
– Спировски од клупата го гледаше триумфот на Пјуник
Завршија мечевите од второто коло во третото по квалитет европско клупско натпреварување, Пјуник во рамките од групата „Х“ ја запиша првата победа. Ерменците на домашен терен со 2:0 беа подобри од Слован Братислава со головите на Дашјан (35`) и Отубанјо (36`). Македонскиот репрезентативец Стефан Спировски беше на клупата на резерви во домашниот состав, но не настапи против словачкиот претставник.
Во вториот меч од истата група Базел дојде и до вториот триумф овојпат над Жалгирис (0:1) со погодокот на Зекири (62`). На табелата по две кола води Базел со шест бодови, пред Пјуник и Жалгирис по еден, последна е екипата на Слован Братислава со еден.
Трет Македонец во Пјуник, и Кире Ристевски потпиша за ерменскиот шампион
