Велика Британија има најмногу починати во една недела од 1993 година

Фото: ЕПА

Британското биро за статистика објави податоци за бројот на починати во Англија и Велс во статистичка недела која завршила на 17 април.

Тоа е воедно и 16-тата недела во годината. Според нивните податоци починале 22.351 луѓе, што е 3.835 смртни случаи повеќе од претходната недела кога имало 18.516 починати, а 11.854 смртни случаи повеќе од петгодишниот просек.

Тоа е 113 отсто повеќе смртни случаи во однос на петгодишниот просек.

Најголем број на починати во една година од 1993 година

Воедно ова е најголем број на починати во Англија и Велс во една недела откако ваквите статистички мерења почнаа во 1993 година.

Од сите смртни случаи забележани во 16-тата недела, 8.758 од нив се поврзани со коронавирусот, што значи дека тоа се 39,2 отсто од сите смртни случаи. Во 15-тата недела тој број изнесуваше 6.213, односно 33,6 отсто.

Во Лондон 55,5 отсто од смртните случаи во 16-тата недела се поврзани со коронавирусот, а висок број на смртни случаи поврзани со коронавирусот се забележани и во северозападот на земјата односно 42,3 отсто, а во североистокот 41,1 отсто.

Од смртните случаи забележани до 16-тата недела, 77,4 отсто од нив, односно 14.796 смртни случаи биле во болниците, додека останатите смртни случаи се забележани во инстутициите за нега и приватни домови за стари лица.

Воедно во 16-тата недела е зголемен бројот на смртни случаи од коронавирус, додека бројот на смртни случаи од грипот и воспаление на белите дробови опадна.

Видео на денот