Поранешниот спикер на Собранието на Македонија Трајко Вељаноски обвинет за собраниските насилства од 27 април 2017 година, на денешното рочиште за овој случај рече дека овој обвинителен акт според него е со политичка позадина.

– ОЈО направи суштествени повреди на Законот за кривична постапка. ОЈО без мој исказ ја затвори истражната постапка ниту ме извести за доказите против мене – рече Вељаноски.

Тој нагласи дека тоа што на прес конференција го изјавил тогашниот пратеник Зоран Заев по СМС го известил Никола Груевски како лидер на ВМРО-ДПМНЕ.

– Ќе докажам дека сите постапки после 18 часот во Собранието на 27 април 2017 година се незаконски и неуставни. Сакам да кажам дека македонскиот народ страдал од слуги на сите режими – нагласи Вељаноски.

Поранешниот претседател на Собранието Трајко Вељаноски, ексминистрите Миле Јанакиески и Спире Ристовски и поранешниот директор на УБК Владимир Атанасовски, се обвинети за терористичко загрозување на уставниот поредок и безбедноста, околу организација на нападот на Собранието на 27 април 2017 година.