Вардар во еден ден потврди две засилувања
Екипата на Вардар во текот на денешниот ден потврди две засилувања, едно во одбраната и едно во офанзивната линија од тимот.
Во одбраната пристигнува 25 годишниот интернационалец од Хрватска Михаел Бришки. Бришки е фудбалер кој може да игра на позициите дефанизивен играч за врска и централен дефанизивен играч, потекнува од младинската академија на Динамо Загреб со која настапувал во младинската Лига на шампиони.
Низ кариерата настапуваше уште и за екипите на Табор Сежана (Словенија), Сесвете (Хрватска), а во Вардар доаѓа од екипата на Санџулијано од италијанската Серија Д каде изминатата полусезона настапи на 21 натпревар. Бришки има настапувано за репрезентација на Хрватска во селекциите до 17 и 19 години.
Ново име во нападот е Гамбиецот Кеба Кебел Сусо. 26 годишниот напаѓач од Гамбија пристигнува од екипата на Јадран Декани од Словенија каде постигна 7 голови на 12 натпревари, а во досегашниот тек на кариерата настапувал и за екипите на Атард и Викторија Хотспурс на Малта.