Неделата на модата во Милано ќе биде одржана од 22 до 28 септември во текот на која колекциите за пролет и лето ќе бидат претставени преку дигитални презентации, но и во живо.

Ова ќе биде првата миланска Недела на модата со постепено враќање во нормалата, бидејќи Милано претходно во јули организираше дигитални модни презентации наместо традиционалните ревии.

Враќање во нормалата, но со сите неопходни мерки за претпазливост, како што е почитувањето на строгите антиковид правила.

Организаторите истакнуваат дека „главниот јунак“ на Неделата на модата која ќе започне во Милано за десетина дена е храброста.

Како што пренесуваат италијанските медиуми, најавено е дека во текот на миланската Недела на модата своите колекции, покрај остантите, ќе ги претстават и Валентино, Фенди, Армани, Прада, Долче и Габана, Етро и Макс Мара.

Се проценува дека модната индустрија во Италија поради пандемијата на коронавирусот ќе се соочи со намалување на извозот за 28 проценти.