Словенечката полиција приведе 67-годишен маж кој неколку години ја криел смртта на својата мајка за да ја зима нејзината пензија. Нејзиното тело беше пронајдено во стан во областа Љубљана откако нејзиното исчезнување го пријавија роднини.

Администрацијата на полицијата во Љубљана наведува дека на крајот на минатата недела роднините на исчезнатата 97-годишна жена го пријавиле случајот како сомнителен затоа што 67-годишниот маж, наводно синот задолжен да се грижи за неа, ги спречил сите контакти, објавија во понеделникот словенечките медиуми.

Осомничениот секогаш ги уверувал другите роднини дека е жива, а бидејќи имал полномошно, тој ги повлекол приходите од нејзините сметки, како и нејзината пензија, според медиумите, тврдат полициски извори.

Полицијата, без да го потврди идентитетот на уапсеното лице, изјави дека се сомничи за кривично дело сквернавење на мртво тело, предизвикување смрт со занемарување на лице и измама. Полицијата продолжува да собира информации и да ги утврдува околностите на настанот, за што ќе биде известено надлежното државно обвинителство, соопшти полициската управа во Љубљана.

Според неофицијални информации, синот шест години го чувал мртвото тело на неговата мајка во станот, а на другите роднини им тврдел дека не сака да комуницира со нив.