Новиот базен во ООУ „Невена Георгиева Дуња“ во Општина Кисела Вода, утре ќе биде свечено пуштен во употреба.

Официјално се пушта во употреба првиот од вкупно петте базени кои беа почнати пред пет години и беа оставени недовршени од поранешната Агенција за млади и спорт. Министерството за спорт, во координација со локалната самоуправа, го откочи процесот за изградба на базените и тие ќе бидат ставени во функција, информираат од Министерството за спорт.

Со новиот базен  ќе стопанисува Општина Кисела Вода, а ќе биде на располагање за наставни, рекреативни и спортски активности на учениците и граѓаните од општината.