Уметничката колекција на МСУ – Скопје се зголемува со донации од светски познати уметници

Инсталација „Мала куќа, доме сладок доме“ од уметникот Сеад Казанџиу / Фотографија: МСУ – Скопје

Уметникот Сеад Казанџиу (Sead Kazanxhiu), кој беше дел од меѓународната изложба „Сè што ни е заедничко“, подари дело на Музејот на современата уметност – Скопје.

Станува збор за делото со наслов „Мала куќа, доме сладок доме“ (Small house, Home sweet home) изработено во 2014 година, кое е инсталација во простор со 350 мали, индивидуално изработени, гипсени куќи (5 x 5 см секоја).

Сеад Казанџиу создава мали куќи од глина, кои се реквизити за јавните перформанси на уметникот, спонтани акции и демонстративни протести, кои тој ги изведува во јавни простори за да го привлече вниманието врз прашањето за домување на Ромите низ Европа. Повремено поставува илјадници мали куќички пред официјални згради во кои се сместени јавните власти, или во уметнички простори, во кои го поврзува својот политички активизам со естетското делување.

Овие интервенции го свртуваат вниманието кон трагичната состојба за домувањето на Ромите: на ромските семејства често им недостасуваат финансиски средства неопходни за поседување дом, што ги прави зависни од националните авторитети надлежни за пристап до домување. Тие се ранливи и подложни на бројно иселување, а стапката на бездомнишво во ромските заедници е висока поради економското угнетување и општиот недостаток на можности за просперитетен живот во Албанија. Каде Ромите би се чувствувале безбедно, симболично и буквално, ако немаат дом?

Фотографија: МСУ – Скопје

Сеад Казанџиу (1987, Aлбанија) работи во различни медиуми, вклучувајќи сликарство, инсталации, видео дела и перформанси. Работата на Казанџиу како уметник и културен продуцент, ја отсликува неговата позиција на албански државјанин – Ром.

Длабоко свесен за начините на кои општествените и политичките хиерархии во рамките на националната држава ги зајакнуваат нееднаквите привилегии и го спречуваат учеството, практиката на Казанџиу се занимава со прашањата на политиката, активизмот, предрасудите, исклученоста и животната средина.

Неговото делување ги претставува напорите на еден уметник посветен на враќањето на достоинството на културна група која е насилно и неправедно маргинализирана во структурите на европската демократија, известија од Музејот на современата уметност – Скопје.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот