Времето денеска ќе биде променливо облачно со сончеви периоди, во западните делови од земјата со услови за слаб локален дожд. Ќе дува слаб до умерен, а долж Повардарието повремено засилен ветар од северен и северозападен правец. Минималната температура ќе се движи од -1 до 6 степени, а максималната од 13 до 21 степен.

Во Скопје времето ќе биде променливо облачно со сончеви периоди и со слаб до умерен ветар од северен правец. Минималната температура ќе се спушти до 2 степена, а максималната ќе достигне до 18 степени.

Според УХМР, до среда ќе преовладува променливо облачно време со сончеви периоди и со услови за слаб локален дожд. Ќе дува слаб до умерен, а повремено и засилен ветар од северен правец. Кон крајот на неделата температурите ќе бидат во пораст.