УЕФА жестоко го казни ФК Партизан поради однесувањето на навивачите
Фудбалскиот клуб Партизан е сериозно казнет од страна на УЕФА поради однесувањето на навивачите во последниот европски натпревар одигран на домашен терен.
Во прашање е натпреварот против Нордсјеланд во плеј-офот за Конференциската лига, а Европската куќа на фудбалот однесувањето на навивачите во одредени моемнти го оцени како расистичко.
Поради тоа црно-белите во наредниот домашен натпревар во Европа ќе играат пред празни трибини, а исто така ќе мора да внимиваат бидејќи условно се казнети со уште еден натпревар во наредните две години.
Тоа значи дека ако ваквиот испад се повтори, УЕФА повторно ќе го затвори стадионот, веројатно и на подолг период. Треба да се спомене дека како и досега, казната не се однесува на деца под 14 години, тие ќе можат да присуствуваат на натпреварите.
Исто така клубот ќе мора да плати и парична казна во износ од 40.000 евра.