Во Шпанија во последните денови се влошува епидемиолошката ситуација, односно расте бројот на заболени од коронавирус, па дури во изминатите неколку дена беше објавено дека позитивни на ковид-19 се и неколку фудбалери.

Поради тоа, претседателот на Наполи, Аурелио де Лаурентин изјави дека не сака неговиот тим да патува во Шпанија и најдобро би било реваншот со Барселона да се одигра во Германија или Португалија каде ќе биде и завршницата на елитното натпреварување.

Но, според италијанските и шпанските медиуми, УЕФА се вмеша во полемиката и одлучи да пресече, реваншот од осминафиналето помеѓу Барселона и Наполи ќе се игра во Каталонија како што беше претходно најавено.

„Ја следиме ситуација и во постојан контакт сме со надлежните органи. Натпреварот ќе се игра во Барселона како што и првично беше предвидено“, објави УЕФА.
Првиот натпревар кој се играше во Неапол заврши без победник 1:1.