УЕФА пресече: Финалето во Лигата на шампионите ќе се игра во Порто
Натпреварот помеѓу Манчестер сити и Челси ќе се игра на стадионот „Драгао“ во Порто иако првично беше одредено домаќин на финалната средба во ЛШ да се игра во Истанбул.
Кога стана јасно дека „Ататурк“ стадионот во Истанбул нема да може да ги пречека финалистите на елитното клупско натпреварување, УЕФА забрзано работеше на пронаоѓање на ново решение.
Бидејќи двете екипи кои ќе играат во финалето се англиски, токму фудбалската федерација на Англија притискаше тоа да се одржи на „Вембли“ во Лондон, но поради строгите мерки во Велика Британија поради пандемијата на коронавирусот, и таа идеја пропадна.
The #UCL final between Chelsea and Manchester City will be moved to Porto’s Estadio do Dragao from Istanbul
— Sky Sports News (@SkySportsNews) May 12, 2021
На крајот УЕФА одлучи финалето во ЛШ втора година по ред да се игра во Португалија која се наоѓа на „зелената листа“ на британската влада кога станува збор за патувањата. По Лисабон и стадионот „Луж“ минатата година, овој пат домаќин во битката за трофејот ќе биде „Драгао“ во Порто.
УЕФА сè уште не ја потврдува официјално оваа одлука бидејќи се наоѓа во интензивни преговори со португалските власти за да се дозволи присуство на 20.000 навивачи на трибините на стадионот чиј капацитет изнесува 50.000 седишта.
Финалниот натпревар помеѓу Манчестер сити и Челси треба да се одигра на 29 мај.
