Убиен новинар кој известувал од место на друго убиство во Орландо
Вооружен маж отворил оган врз двајца телевизиски репортери кои известувале од местото на второто убиство во предградието Орландо, Флорида, убивајќи еден репортер, а ранувајќи друг, соопштија тамошните власти, пренесува „Ројтерс“. Осомничениот, идентификуван како 19-годишниот Кит Мелвин Мозес, бил уапсен веднаш по пукањето.
Мозес е обвинет и за две други престрелки во кои загинале 9-годишно девојче и девојка на 20-годишна возраст, изјави шерифот на округот Оринџ Џон Мина на прес-конференцијата. Двајцата новинари биле нападнати во Пајн Хилс, предградие на Орландо, репортер и фотограф на телевизијата „Спектрум Њуз 13“.
Мозес се соочува со обвиненија за тој напад, како и за убиството на деветгодишно девојче и ранувањето на нејзината мајка во нивниот дом во исто време кога новинарите биле нападнати, рече Мина.
Осомничениот неколку часа претходно убил и жена во нејзиното возило, се наведува во соопштението. Од полицијата велат дека не е утврден мотивот за ниту едното пукање, но Мозес се верува дека бил познаник на првата жртва.