Поранешната мисица на Боливија, Алондра Меркадо Кампос (22) е уапсена во полициска рација под обвинение за трговија со оружје, откако полицајците пронашле складиште во нејзиниот дом со муниција за калашников и тргнале во лов на нејзиното момче, шверцер на дрога, пренесува „Сан“.

Алондра Меркадо Кампос 2023 година беше крунисана за Мис шарм на Боливија, а на Инстаграм често ги истакнува своите фотографии во бикини или настани каде позира во вечерни тоалети кои ги истакнуваат нејзините прекрасни атрибути.

Но, сега нејзините профили на социјалните мрежи замолкнаа, откако беше одведена во Женскиот затвор Тринидад во Бени под обвинение за трговија со оружје.

Како што пренесуваат тамошните медиуми, полицијата во домот на поранешната мис на Боливија пронашла арсенал од повеќе од 100 парчиња оружје, меѓу кои и калашников.

Нејзиниот партнер, 22-годишниот Андрес Васкез, моментално е во бегство и полицијата го бара под обвинение за меѓународна трговија со дрога.

Боливиските специјалци за борба против шверцот со дрога започнаа операција со цел да го фатат Васкез, но наместо тоа, Кампос беше уапсена. Наводно, боливиската инфлуенсерка ќе биде задржана во притвор од 30 дена, кога ќе следи нејзиното прво појавување на суд.