Хрватската полиција го уапси Матија Врдољак (26), внук на познатиот хрватски режисер Антун Врдољак, под сомнение дека се обидел да го убие 21-годишниот со нож, јавуваат регионалните медиуми.

Врдољак е приведен откако граѓаните го препознале на видео снимките објавени од полицијата и врз основа на одлуката на Окружниот суд во Загреб одреден му е притвор од 30 дена поради ризик од повторување на делото и влијание врз сведоци.

Полицијата по двонеделна истрага објави фотографија од Матија Врдољак како личност која сака да го испраша во врска со конфликтот кој резултираше со обид за убиство, а потоа се јавија граѓани кои на фотографијата го препознаа внукот на режисерот.

Матија Врдољак завршил во Реметинец поради настан што се случил на 9 декември 2023 година во 4.30 часот на улица во Загреб.

Неколку лица прво вербално, а потоа и физички се пресметале. При тој конфликт постои сомнеж дека Матија Врдољак со нож му нанел убодна рана на 21-годишно момче кое завршило во болница.