Министерот за внатрешни работи на Србија, Братислав Гашиќ изјави дека покрај момчето кое денеска го изврши масакрот во училиштето во Врачар, уапсен е и неговиот татко.

Момчето, како што беше речено на вонредна прес-конференција, имало список со имињата на децата што планирал да ги ликвидира. На училиште дошол со оружје што му го земал на татко му.

„Таткото тврди дека пиштолите биле заклучени во сефот под шифра, но очигледно детето ја имало шифрата на тој сеф, покрај двата пиштола, пронајдени се уште три рамки полни со куршуми. Неофицијално, заедно со неговиот татко вежбале стрелање. Во секој случај мерките предвидени со закон ќе бидат преземени и против таткото“, изјави Гашиќ, мислејќи на таткото на ученикот.

Ученикот уби седум девојчиња, едно момче и припадник на училишното обезбедување.

Веселин Милиќ, началник на белградската полиција, изјави дека ученикот се јавил во полиција и рекол: „Јас сум Коста Кецмановиќ“ и пријавил дека застрелал неколку луѓе.

Владата на Србија донесе одлука да прогласи тридневна жалост поради трагичниот настан во ОУ „Владислав Рибникар“.

Да потсетиме, покрај деветте загинати, повредени се уште шест деца и еден наставник по историја. Три деца и една наставничка се во Клиничкиот центар на Србија (КЦС), додека уште тројца ученици во Универзитетската детска клиника во Тиршова.

ШТО Е ПОЗНАТО ДОСЕГА?

 Утринава околу 8 часот имало пукање во основното училиште во Белград. момче (14) пукало во училиштето во Врачар „Владислав Рибникар“ и повреди неколку ученици.

 Мајка на ученик од училиштето во Белград: Убиен е омилениот чувар Драган, децата го обожаваа

 Познат идентитетот на момчето кое го изврши пукањето во Белград: Упаднал на час по историја и почнал да пука

 ВИДЕО: Моментот кога беше уапсено момчето кое го изврши нападот во Белград

  Српското Министерство за образование се огласи околу ужасниот настан во основното училиште во Белград

  Ученичка од училиштето раскажа што се случило за време на нападот: Го видов обезбедувањето како паѓа на под

 Српско МВР: Во пукањето во Белград се убиени осум деца и еден чувар

 Ана Станиќ за убиството во Белград: Син ми е ученик во тоа училиште, не го познава детето кое пукаше

 Белград не памети покрваво убиство

 Српски адвокат вели дека ако момчето нема повеќе од 14 години, не може кривично да одговара

 Седмоодделенецот направил список со децата што планирал да ги убие, имал скица и детален план како да го направи тоа

➡️ Уапсен таткото на седмоодделенецот, заедно вежбале стрелање, а пиштолите ги чувал во сеф