Дваесет и две имиња се искристализирани досега од многуте кои покажале интерес да бидат претседателски кандидати поддржани од ВМРО-ДПМНЕ за претстојните избори за шеф на државата, изјави лидерот на ВМРО-ДПМНЕ Христијан Мицкоски и рече дека партиската конвенција за избор на претседателски кандидат ќе се одржи кон крајот на јануари или во почетокот на февруари.

-Инаку неофицијално ние мериме многу имиња, многумина изразија желба да бидат поддржани од ВМРО-ДПМНЕ и коалицијата, да бидат кандидати за претседател на Македонија. Околу 22 имиња се искристализираа. Тоа го правиме неколку месеци, списокот ќе биде намален и очекуваме да имаме јасна претстава кој кандидат ќе биде идниот претседател на Македонија бидејќи јас сум убеден дека претседателскиот кандидат поддржан од ВМРО-ДПМНЕ, наспроти кандидатот на СДСМ, во првиот круг ќе има најмалку 100.000 гласа преднос. И тука кај мене постои една загриженост за демотивација кај СДСМ и кај нивните коалициски партнери кои се дел од албанскиот блок и се плашам дека тоа може да не воведе во една уставна и политичка криза и затоа апелирм за лидерска средба – рече Мицкоски.