Министерот за индустрија и технологија на Турција, Мустафа Варанк изјави дека денеска почнало фабричкото тестирање на електричен воз од домашно производство кој до крајот на годината би требало да биде ставен во употреба.

Во фабриката Тувасас се тестираат вагоните и композицијата, од каде додаваат дека целото производство е од домашни ресурси.

Според ресорниот министер станува збор за историски настан во подвизите на турската индустрија која, како што вели, бележи големи успеси во развојот на националните ресурси.

– И покрај пандемијата од Ковид – 19, вредните работници во мај го поставија на шини турскиот електричен воз кој денеска ги почнува фабричките тестирања, а веќе во август ќе почне тестирањето на железницата. Производството на електричниот воз е гордост во секој поглед, истакна Варанк.