Трамп до Американците: Кога ќе се вакцинирате, сетете се на мене, да не бев претседател, немаше да се вакцинирате
Американскиот претседател Џо Бајден денеска го потпиша својот план за обнова на економијата во САД во изнор од 1,900 милијарди долари на неколку часа пред очекуваниот говор за пандемијата и надежите во кампањата за вакцинација.
За време на пандемијата на ковид-19 во САД починаа, речиси, 530.000 лица, а згора на тоа, водечката светска економија лани назадуваше за 3,5 отсто што за САД е најлоша година од Втората светска војна.
Белата куќа најави дека сака да купи дополнителни 100 милиони дози од вакцината на „Џонсон&Џонсон“ со што би се дуплирале дозите што САД ги нарачаа од таа фармацевтска компанија.
Во видеото „Од вас зависи“, како дел од вакциналната кампања во САД, се вклучија и поранешните претседатели Барак Обама, Бил Клинтон, Џорџ Буш и Џими Картер кои јавно ги повикаа Американците да се вакцинираат.
Но, за разлика од нив, сосема поинакво обраќање до јавноста имаше Доналд Трамп кој од својот клуб „Мар-а-Лаго“ на Флорида се огласи со поразличен тон.
– Се надевам дека сите Американци ќе се присетат, кога ќе ја примат вакцината против ковид-19, дека барем пет години немаше да ја добијат таа прекрасна инјекција ако не бев претседател, напиша Трамп во кратката порака.
– Се надевам дека сите ќе се сетат, повтори тој по поразот по истекот на првиот мандат, но не исклучи можност за повторно да се кандидра за претседател во 2024 година.