Беше најстарото од трите деца на поранешниот капитен на бразилската репрезентација. Данило Фелисиано де Мораес почина од срцев удар во средата играјќи фудбал со пријателите во неговиот дом во Сао Паоло.

Му се слошил и паднал на теренот, веднаш бил префрлен во болница, но лекарите констатирале смрт.

Сао Паоло, бразилскиот клуб во кој Кафу (49) ја започна професионалната фудбалска кариера, брзо испрати порака како поддршка и сочувство до еден од своите најголеми играчи на сите времиња.

Brezilya'nın efsane sağ beki Cafu'nun oğlu Danilo(30) futbol oynarken kalp krizi geçirerek hayatını kaybetti. pic.twitter.com/Gv0mNPIiLm

— Spor Online (@sporonlinecom) September 5, 2019

Се огласи и Палмеираш, вториот бразилски клуб во кој исто така Кафу своевремено настапуваше.

– Спортското друштво Палмеираш жали поради смртта на Данило, синот на Кафу, и изразува сочувство до светскиот шампион и неговото семејство – пишуваат од ФК Палмеираш.

Кафу во текот на славната кариера запиша 142 мечеви за репрезентацијата на Бразил и двапати беше светски шампион во 1994 и 2002 година. Исто така помогна во освојувањето на две титули од „Копа Америка“ и по се повлече како национална легенда која се смета за еден од најголемите бразилски играчи во историјата.