Манчестер сити по шести пат во клупската историја или четврти во последните осум години е шампион во Премиер лигата. Сити со триумфот од 4:1 на гостувањето кај Брајтон, најлудата сезона во Премиер лигата ја заврши со 98 бодови, само еден повеќе од второтопласираниот Ливерпул кој пред своите гледачи го совлада Вулверхемптон со 2:0.

Манчестер сити сезоната ја заврши со 32 победи, четири порази и два нерешени исходи и со неверојатна серија од 14 триумфи во низа.

Стартот на натпреварот не навестуваше триумф на „граѓаните“, во 27 минуѕа одбраната на Сити киксна и му дозволи на Мари да му донесе водство на Брајтон.
одговорот дојде во следниот напад, Серхио Агуеро кој измрани на 1:1, а Лапорт во 38 минута донесе водство од 1:2. Во вториот дел, „граѓаните“ рутински со головите на Марез и Гундоган го приведоа натпреварот до крајот.

На Ливерпул не му помогна победата од 2:0 над Вулверхемптон, на крајот мора да се задоволи со второто место со само еден бод помалку.

Место во лигата на шампионите за следната сезона, обезбедија и екипите на Челси и Тотенхем, кои ремизираа со Лестер односно Евертон.

Најголемо разочарување сезонава е Манчестер јунајтед, кој како што ја почна така и ја заврши сезоната, со пораз. „Црвените ѓаволи“ се поразени пред своите гледачи со 0:2 од испаднатиот Кардиф.