Носителот на ТВ правата за француската Лига 1, компанијата „Медиапро“ поради кризата предизвикана од пандемијата на коронавирусот не беше во можност да ги исполнува обврските од договорот поради што е прекинат.

Француските Лига 1 и Лига 2 и екипите кои се натпреваруваат во двете лиги со соочуваат со големи финансиски проблеми бидејќи останаа без главниот спонзор, носителот на ТВ правата „Медиапро“, пренесуваат француските медиуми.

Оваа шпанско-кинеска компанија, односно нејзината ќерка фирма „Telefoot“ пред четири месеци потпиша договор со фудбалската федерација на Франција за ексклузивните ТВ права за Лига 1 и Лига 2 во рок од четири години, вреден 830 милиони евра годишно.

Според договорот, носителот на ТВ правата требаше до крајот на оваа година да уплати три рати, но досега е исплатена само една.
Француската лига (ЛФП) откако доби потврда дека „Медиапро“ има финансиски проблеми и нема начин како да ги исплати парите, го раскина договорот, но притоа поднесе пријава во францускиот суд поради прекршување на договорот.