Машко тело е пронајдено денеска на брегот на реката Дунав во близина на рафинеријата кај српскиот град Панчево.

Според српските медиуми, најверојатно се работи за еден од тројцата пријатели кои исчезна неодамна кога нивниот чамец се преврте кај Панчевачкиот мост на Дунав. Според првите и неофицијални информации базирани на облеката, се претпоставува дека се работи за Ненад Тривковиќ.

Тројца млади луѓе од Белград исчезнаа, а само еден доплива до брегот вечерта на 18 март, откако под дејство на алкохол тргнале со мал чамец од Ада Хуја кон Земун. Чамецот се превртел во немирните води на реката, а несреќните тројца не излегле од студената вода. Единствениот кој успеал да се спаси е Мане К., кој ја препливал реката. Тој потоа успеал да стигне до првата куќа каде побара помош.

Оттогаш, пријателите и семејството континуирано трагаат по другите тројца пријатели што биле на чамецот и што сега се водат за исчезнати – Милан Николиќ, Милош Марковиќ и Ненад Тривковиќ.

По пет дена, најдени се само ранците на тројцата млади луѓе кои исчезнаа во студените води на Дунав