Талентираниот македонски репрезентативец Јакимовски оди во НЦАА лигата
Младиот кошаркар кој годинава дебитираше во сериорската репрезентација на Македонија, Андреј Јакимовски, во наредната сезона се сели во САД и ќе игра во универзитетската НЦАА лига.
Јакимовски кој оваа сезона ја помина во Италија, се согласи кариерата да ја продолжи во Вашингтон Стејт Универзитетот каде ќе има можност и да го продолжи своето образование, иако имаше понуди од уште неколку универзитети.
– Андреј е играч кој го следиме повеќе од една година. Му понудивме можност да игра во шампионската конференција, да добие добро образование и диплома, тоа е нешто што не можеше да го одбие. Тој е многу квалитетен кошаркар кој може да настапува на четири различни позиции, беше доминантен на натпреварите против своите врсници, воедно и се наметна како лидер во македонската младинска репрезентација. Исто така, Јакимовски е и добар ученик, има позитивен карактер и сигурно добро ќе се вклопи во нашата програма – изјави тренерот на Вашингтон Стејт, Кајл Смит.