Тајсон: Ѓоковиќ е мојот омилен тенисер, погледнете само како се врати по повредата
Легендарниот американски боксер Мајк Тајсон откри дека тенисот му го променил животот, а од тенисерите најмногу го обожава Новак Ѓоковиќ.
На тенисот се навикна преку неговата ќерка Милан која дури и тренураше со Серена Вилијамс и многумина тврдат пред пред нејзе има голема иднина.
– Тенисот ми го промени животот. Мислев дека знам за сè и дека конечно успеав во животот кога почнав да заработувам сериозни пари. Но, ништо од тоа не е поголемо од тениските успеси на ќерка ми. Таа е поголема од сè. Ја гледам дека прераснува нешто што никогаш не би го направила да не беше тенисот. Таа има голема самодоверба и тоа ми се допаѓа – рече Тајсон.
Поранешниот боксерски шампион истакнува дека сака да го гледа српскиот ас Ѓоковиќ кој моментно е прв светски рекет.
Mike Tyson taught Serena Williams how to box https://t.co/VCpugPgVYB
— talkSPORT (@talkSPORT) December 21, 2021
– Новак е мојот омилен тенисер. Погледнете само како се врати по повредата пред неколку години и како игра против Федерер или Надал. Тој е вистински борец – вели Тајсон.
Инаку, Тајсон неодамна се врати од пензија и имаше егзибициски меч, а медиумите шпекулираат дека во февруари би можел да му се спротивстави на јутјуберот Логан Пол.