Сведоштво од болница во Њујорк: „Немате време да сфатите дека пациентот починал, а респираторот веќе мора да оди кај друг“
Медицинска сестра вработена во болницата Елмхрст во Њујорк опиша колку брзо се менува состојбата на пациентите заразени со коронавирус.
– Ситуацијата е застрашувачка бидејќи иако луѓето се болни, делуваат стабилно. Потоа пред вашите очи доаѓа до колапс и за неколку минути пациентот е починат – опиша медицинска сестра од САД, а пренесе „Србија данас“.
Сестрата наведува дека гледале, потполно беспомошни, заедно со уште двајца лекари, како пациентите умираат од последици од компликации на заразата со коронавирус.
– Иако го реанимирате срцето, тие не можат да дишат и не поминува ниту минута, немате време да сфатите дека се загубиле пациент, некој доаѓа и го зема респираторот. И потоа следниот пациент е во критична состојба – раскажува медицинската сестра.
Гувернерот на сојузната американска држава Ендрју Куомо веќе зборуваше за стресот низ кој минуваат вработените токму во оваа болница на прес-конференција за медиумите.
Минатата недела, градоначалникот на Њујорк, Бил де Блазио рече дека болницата Елмхрст го трпи најсилниот удар и дека многу од болничкиот персонал е упатен таму да работи.