Екипата на Алкалоид запиша нова убедлива победа во домашната Суперлига откако го совлада МРК Куманово со 47:16.

Дарио Кофилоски беше најефикасниот играч со 11 постигнати погодоци во победничките редови, а по пет постигнаа Александар Стојков и Мартин Серафимов. На спротивната страна Вучко Мрвовиќ петпати се запиша во листата на стрелците.

Ракометарите на Еурофарм Пелистер ја запишаа осмата победа во шампионатот, откако во вториот натпревар од деветтото коло во Скопје го надигра Голден Арт со 18:31.

Иако битолчани играа без Кизиќ, Велковски и Хосни, беа пресилни за новиот суперлигаш. Ненад Костески беше најрасположен кај Еурофарм Пелистер со седум погодоци, а на спротивната страна Марко Трајковски со четири.

На табелата во групата „А“ првопласиран е РК Алкалоид со 24 бодови, колку што има и Вардар 1961, но „црвено-црните“ имаат еден меч помалку.

Играчите на Ларс Валтер во групата „Б“ се на првата позиција со 25 бодови, осум повеќе од Тинекс Пролет кој својот натпревар ќе го има в недела на гостувањето кај Еурофарм Пелистер 2 кој ја дели третата позиција со Тиквеш со по 16 бодови.