Столтенберг: Не сме сигурни за плановите на Русија
НАТО не може со сигурност да каже какви се намерите на Русија во ситуацијата околу Украина, изјави генералниот секретар на НАТО Јенс Столтенберг во интервју за канадскиот телевизиски канал Си Би Ес.
„Нема сигурност за намерите на Русија“, рече тој на прашањето колку е сериозна заканата од руска инвазија на Украина.
“Може да има промена во плановите. Значи, има шпекулации за ова прашање, но во реалноста нема сигурност. Знаеме за значително зголемување на руските сили, собирање на десетици илјади војници и тешка опрема. Слушаме и многу заканувачка реторика“, изјави Столтенберг.
Наводите за можна руска инвазија на Украина се појавија во западните земји, но и во Киев.
Портпаролот на рускиот претседател Дмитриј Песков ја опиша информацијата како празна и неоснована ескалација на тензиите. Тој нагласи дека Русија не претставува закана за никого.
Во исто време, Песков не ја исклучи можноста од провокации за да ги оправда ваквите изјави и предупреди дека обидите за насилно решавање на кризата во југоисточна Украина ќе имаат многу сериозни последици.