Стерлинг пред неверојатна позајмица, Сити не би имал ништо против
Можно е екипата на Барселона во јануари да добие големо засилување, односно станува збор за англискиот репрезентативец Рахим Стерлинг.
Каталонскиот „Спорт“ тврди дека раководството на клубот го посакува Стерлинг на позајмица, кој моментно настапува за составот на Манчестер сити.
Англичанецот сезонава кај менаџерот Пеп Гвардиола го загуби местото стартер, а наводно и во тимот го загуби влијанието кое го имаше.
Клубот од „Етихад“ не би имал ништо против 26-годишниот играч за врска во нападот да се раздели со „граѓаните“.
🗞️ ⚠️ "OPTION STERLING"
Barça already worked on a loan deal this summer and now he's the priority for the winter market. Sterling is predisposed to sign for Barça and sees it as an ideal destination to have minutes #fcblive pic.twitter.com/ngx4h0eqf5
— FCBarcelonaFl (@FCBarcelonaFl) September 17, 2021
Барса се обидуваше да го ангажира и во текот на летниот преоден рок, но не беше реализиран договор. Стерлинг би се преселил на „Камп Ноу“ како позајмица, а би можела истата да биде и на подолг период.
Тој е член на Сити од 2015 година, дојде од Ливерпул и во 297 одиграни натпревари постигна досега 115 голови.
