Непрофитната организација Prayas, која води програми за заштита на децата, образование и правда, организираше трка за деца, токму во моментот кога властите во Њу Делхи решија да ги затворат училиштата поради големата загаденост на воздухот.

Трката се организира за да се одбележи роденденот на првиот премиер на Индија, Џавахарлал Нехру, кој се слави како Ден на децата.

Индексот на квалитет на воздухот во индиската престолнина денеска изнесуваше  472 на скала од 500, што значи можни сериозни ризици за респираторниот систем за населението, објави агенцијата САФАР, која за потребите на владата  го следи квалитетот на воздухот.

Delhi: A ‘Run for Children’ was flagged off in the national capital earlier this morning. pic.twitter.com/TzdGNt92HA

— ANI (@ANI) November 14, 2019

Бидејќи квалитетот на воздухот е опасен веќе трет ден по ред, решено е да се затворат училиштата.

Жителите ги нападнаа властите на социјалните медиуми за организирање на трката среде енормно загадување.

„Трка за деца .. среде опасно загадување? Театар на апсурдот“, напиша корисникот на Твитер , Шашанк Џајтли.

Градските власти сè уште не ги коментираат критиките, а Прајас објави дека станува збор само за симболична трга и дека ги има сите дозволи.

Amod Kanth founder of ‘Prayas’ NGO which organized run:That’s(pollution) why we reduced run duration. It was symbolic run. Real program is children’s day cultural event for which children were preparing for months.We didn’t know about this emergency(air quality) till yesterday. https://t.co/0w8BUOaMGy pic.twitter.com/BYnPM8dUKR

— ANI (@ANI) November 14, 2019