Како што наведува холандски „Телеграф“, Ајакс го раскина договрот со Нури, а срамниот потег го образложи со тешката финансиска состојба предизвикана поради пандемијата на коронавирусот.

Холандскиот тим во соопштението наведува дека ќе го исплати Нури до почетокот на јули и ќе остане во контакт со неговото семејство за да му даде подрршка во процесот на рехабилитација.

Абделхак Нури во 2017 година колабираше за време на пријателскиот натпревар против Вердер по што падна во кома во која беше речиси три години.

Раскин на договорите добија и ветераните Клас Јан Хунтелар и Рајан Бабел.

Адвокатот на Нури најави дека со овој потег на клубот, неговата борба за што поголема оштета ќе стане уште пожестока, бидејќи фудбалерот загубил повеќе од две години од својот живот, а никогаш повеќе нема да биде истиот.