Кина испрати авион за евакуација на 210 свои државјани од Авганистан, пренесуваат денеска кинеските медиуми. Откако големите сили како САД и Британија ги повлекоа своите војски од Авганистан, Кина стравува дека нејзините државјани може да се во опасност.

Весникот „Глобал Тамјс“ пишува дека Комунистичката партија на Кина на 2-ри јули објавила дека авион од Кабул пристигнал во кинеската провинција Хубеи. Како што пренесува „Глобал Тајмс“, 22 лица од авионот испаднале позитивни на Ковид-19.

Војската на САД по скоро 20 години војна против Талибанците, реши да ја напушти воената база во Баграм.

Кинеските компании вложуваа во авганистанската рударска индустрија и инфраструктура, но со нападите на Талибанците, тие стравуваат за животите на нивните државјани.