Солвентноста на ЕУ страда од сомнежите за каматите
Трошоците за позајмување на земјите од ЕУ се очекува да пораснат за неколку десетици милијарди евра во споредба со она што првично го очекувавме. Делумно ова е неизбежна последица на зголемувањето на каматните стапки.
Вчера приносите на двегодишните обврзници на ЕУ се движеа на 3,02 отсто кога оние на Франција беа само 2,79 отсто, а на Шпанија 2,94 отсто.
Што се однесува до приносите на петгодишните обврзници на ЕУ, тие вчера достигнаа 2,87 отсто, додека оние на петгодишните обврзници на Франција беа 2,63 отсто. И сето тоа кога две од трите најголеми агенции за кредитен рејтинг, Фич и Mудис, му дадоа на долгот на ЕУ највисока оценка ААА, а третата агенција С&П му даде АА-. Причината поради која ЕУ мора да плаќа повисоки приноси за да позајми е тоа што пазарите не го третираат Брисел како држава што издава долгови.
Долгот на ЕУ се третира како долг на наднационална институција, а не како долг на суверена земја. Според тоа, не е вклучен во показателите за државните обврзници. Но, кога би бил вклучен во овие индекси, тогаш менаџерите на фондовите веројатно би претпочитале да продаваат француски обврзници и да купуваат обврзници од ЕУ, а со тоа да профитираат од разликата помеѓу приносите на две различни обврзници со ист кредитен рејтинг, анализира Катимерини.