„Со љубов од Скопје ЗОО за Турција и Сирија“, хуманитарен настан за помош на настраданите во земјотресот
Во сабота точно напладне во Зоолошката градина ќе се одржи хуманитарниот настан „Со љубов од Скопје ЗОО за Турција и Сирија”, а собраните средства ќе бидат наменети за помош на настраданите семејства во земјотресот.
Да ја покажеме солидарноста на дело и заедно да донираме и помогнеме онаму каде што е најпотребно. Собраните средства ќе бидат префрлени на сметката за донации за настраданите во земјотресот на Црвениот Крст на Град Скопје, отворена за таа намена – информираат од ЗОО.
Во забавниот дел од оваа хумана манифестација ќе настапат Стела и Сани, ЗОО Азбука на ДКЦ Карпош, ќе им обраќње на спасувачи и волонтери кои помагаа во Турција, ќе настапи и градскиот мешан хор „Вардар“, а децата ќе ги дружи и забавува слончето Халки.