Откако им дадоа поддршка на здравствените работници во земјата со громогласен аплауз од своите тераси граѓаните на Белград, Ниш, Нови Сад но и други градови за време на полицискиот час во 20 часот го изразија своето незадоволство од владеењето на актуелната гарнитура. Во знак на протест правеа бучава со свирежи, со удирање тенџериња и со петарди.

Граѓанскиот протест „Дигни го гласот: Со бучава против диктатурата” која ја покрена иницијативата „Да не го давиме Белград” и Граѓанскиот фронт, трае веќе четири дена.

По ваквиот след на настаните по половина час се појави и втора група граѓани кои со контрапротест со палење факели, огномет и гласна музика на покривите на зградите и терасите пак ја изразија својата поддршка.

Синоќа и претседателот Александар Вучиќ на РТС го кометираше сето ова, изјавувајќи дека удирањето по тенџериња е делумно политички протест.

– Тоа е, во голем дел, политички протест. Јас сум, знаете, политички ветеран, свикнат сум на тенџериња и тави, само едно ме боли – лекарите ги загубија аплаузите… Политичките лидери со ова покажаа неодговорност, изјави Вучиќ.