Специјализираната интернет страница за следење на квалитетот на воздухот во поголемите градови и главни градови во светот, „Ај-Кју Ер“ денеска го рангира Скопје на четврто место во свет според загаденоста на воздухот со индекс од 172, а второ место во Европа.

Најзагаден град во светот е Сараево, потоа следуваат Делхи и Колката.

Според податоците од „Ај-Кју Ер“, мерната станица во Лисиче покажува високо ниво на загаденост со индекс од 179, потоа следуваат Карпош со 172 и Центар со 166. Високо ниво на загаден воздух има и во Гази Баба и Кисела Вода.

Во услови на загаден воздух, се препорачува малите деца, бремените жени, хроничните болни и повозрасните луѓе да не излегуваат на отворено, граѓаните да не ги користат своите автомобили без поголема потреба и да го користат јавниот превоз. Се повикуваат сопствениците и корисниците на камионите да не ги користат ако немаат регулирано испуштање на отпадните гасови, а граѓаните при затоплување на своите домови, да не користат недефинирани горива и отпадни материи од различни технолошки процеси.