Сидни Свини е среќна со својата нова љубов, но извори тврдат: „Нема да чуете свадбени ѕвона наскоро…“
Актерката Сидни Свини е сè уште фокусирана на својата кариера, и покрај новата романса со музичкиот менаџер Скутер Браун, објавува „Пејџ Сикс“. Минатиот викенд, актерката ја доби наградата за актерски достигнувања на Меѓународниот филмски фестивал во Хемптонс за нејзината улога во филмот „Кристи“, каде што ја играше главната улога – боксерката Кристи Мартин.
Препорачано
Браун не беше присутен на доделувањето, но извор откри дека актерката го пофалила својот нов партнер и неговата „деловна остроумност“.
„Ужива што има некого да праша за нејзината кариера. Ужива да поминува време со него, но не очекувајте свадбени ѕвона засега… Нејзин главен приоритет е нејзината кариера“, рече изворот.
Свини во последните години беше зафатена со проекти како што се „Anyone But You“, „Madame Web“, „Immaculate“, „Eden“, „Echo Valley“ и „Americana“, а претстојните проекти вклучуваат „Split Fiction“ за Amazon MGM, како и нова сезона на „Euphoria“ на ХБО. Таа беше и лице на рекламни кампањи за „HeyDude footwear“, „Samsung“, „Baskin-Robbins“ и „American Eagle“, а соработуваше и со „Miu Miu“, „Armani Beauty“, „Laneige“ и „Dr. Squatch“.
Извор претходно изјави дека Браун веројатно ќе има предност во однос на бизнис плановите на Свини.
„Секоја воздржаност во врската веројатно нема да трае долго кога станува збор за неговата желба да промовира сè. Тој ќе почне да ја рекламира и веројатно ќе се вклучи повеќе во нејзината кариера“, рече изворот.
Патем, шпекулациите за романсата на актерката и музичкиот менаџер започнаа во август, два месеци откако двојката се запозна во Италија за време на свадбената прослава на поранешната новинарка Лорен Санчез и милијардерот Џеф Безос. На почетокот, Браун, како што претходно се пишуваше, се двоумел поради тоа што е 16 години постар од актерката, но откако таа го направила првиот потег, музичкиот менаџер станал „опседнат“ со неа.
Потоа поминаа време заедно во Венеција, двојката го помина и Денот на трудот заедно, а Браун наводно ги запознал родителите на актерката. Тие веќе биле видени заедно на неколку романтични состаноци во Лос Анџелес и Њујорк.
